BJJ Samband Íslands - BJÍ

Íslandsmótið í Brasilísku Jiu-Jitsu var haldið í dag. Á mótið mættu 64 keppendur frá fimm félögum. Félögin koma allsstaðar af landinu, Reykjavík, Hafnarfirði, Akureyri og Keflavík. Útbreiðslan í íþróttinni er með ólíkindum og keppnin í dag var hörð. Mjölnir hlaut 10 gull af 11 og var stigahæsta lið mótsins. Gunnar Nelson sigraði sinn þyngdarflokk og opna flokkinn en Auður Olga sigraði opinn flokk kvenna. Keppnin í kvennaflokki var með eindæmum hörð og gaman að sjá að stelpum er að fjölga í íþróttinni.

Íslandsmótið í BJJ verður haldið sunnudaginn 8. nóvember 2009 í júdósal Ármanns í Laugardal. Húsið opnar kl 12:00 og hefjast fyrstu glímur stundvíslega kl 12:30. Skráningu lýkur á miðnætti miðvikudaginn 4. nóvember. Mótsgjald er 1000kr og greiðast í reiðufé við komu á mótsstað. Ókeypis aðgangur að mótinu er fyrir áhorfendur.

Mjölnir sendi hóp á Norðurlandamótið í BJJ núna um helgina. Hópurinn náði ævintýralegum árangri sem er mikill gæðastimpill fyrir það starf sem er gert í Mjölni og á Íslandi.

Tíu íslenskir keppendur úr Mjölni taka þátt í Opna Norðurlandameistaramótinu í Jiu Jitsu í Stokkhólmi um helgina.

Aðalfundur BJÍ var haldinn sunnudaginn 27. september. Kosin var nýr formaður og ný stjórn.

Gunnar Nelson lenti í fjórða sæti á ADCC mótinu í Barcelona. Gunnar vann þungavigtarmanninn Jeff Monsoon í fyrstu umferð og kom það flestum á óvart enda Monsoon með gríðarlega sigursælan feril að baki og þyngstur keppenda í opna flokkinum en Gunnar léttastur. Monson hefur m.a. tvisar unnið til gullverðlauna á ADCC auk þess að vera fyrrum heimsmeistari í uppgjafarglímu.

Gunnar Nelson féll úr keppni í gær í ADCC bardagakeppninni sem haldin er í Barcelona um helgina en þetta er sterkasta mót í heimi í uppgjafarglímu. Gunnar féll eftir naumt tap gegn fyrrum heimsmeistara og Ameríkumeistara, Bandaríkjamanninum James Brasco.

Gunnar Nelson gerði sér lítið fyrir og náði silfurverðlaunum á Heimsmeistaramótinu í BJJ (Mundials) og sló m.a. ríkjandi heimsmeistara út úr keppninni.

Gunnar Nelson gerði sér lítið fyrir og sigraði flokkinn sinn á  PAN JIU-JITSU CHAMPIONSHIP 2009. Ekki nóg með að hann ynni hinn þekkta Clark Graice í fyrstu glímunni heldur hélt hann áfram og sigraði 5 andstæðinga alls, þar af Bruno Alves (silfurverðlaunahafa frá síðasta heimsmeistarmóti) í úrslitunum á hengingartaki!

Gunnar Nelson vann bæði til gull- og silfurverðlauna á NAGA mótinu í USA. Hann fékk silfur í Gi en tók gullið í No-Gi þar sem hann sigraði hinn þaulreynda svartbeltin Jorge “Macaco” Patino í úrslitum.